Titel: Requiem 
Artiest: Willem Vermandere
Album: Ik wil maar zeggen

Capo op de 3e fret als je wil meespelen met de plaat.

	     Am
Als ik mijn tocht deur 't tranendal stake
           Am
en word geroepen bie de grote baas
	    Dm
Als ik zogezeid mijn pupe krake
          Dm
en mijne laatsten asem uitblaas
	   Am
Kom mijne uitvaart dan nie bederven
             C
als ik mijn karre de gracht induw
	     F		      E
Of proper gezeid als ik zal sterven,
            E
als ik voorgoed mijn sjiek uitspuw
            E7		       Am
Als ik voorgoed mijn sjiek uitspuw

Am	G	C	E	(x2)

Bespaar mie dan d'onoprechte gebeden
De groene kransen van plastiek
De sukkel is al ne keer overleden
Anders wierd ie naa doodziek
't Is t' hopen van hokus spokus vobiscum
Dat ie mag vinden wat ie zocht
Requiescat in seculorum
Muziek en zang op zijne laatsten tocht
Muziek en zang op zijne laatsten tocht

Am	G	C	E	(x2)

Je moet niet te kwistig de kwispel zwaaien
De klokken en 't walmend wierookvat
Ze gaan mie wel in het vagevuur draaien
Zegent ons liever uit 't goed oud vat
We gaan onzen dorst nog ene keer lessen
Vrienden, goddank, 't is ons dikwijls gelukt
En u vriendinnen, edele prinsessen
Ik he u zo fierig aan 't herte gedrukt
Ik he u zo fierig aan 't herte gedrukt

Am	G	C	E	(x2)

Zing nu de sloeber, g'hebt 't goe bekeken
Met stille trom der vanonder gemuisd
Ie is aan zijn liederlijk leven overleden
Zijn snaar is gesprongen, zijn schup afgekuist
Geen rammelende rinkelende dekoraties
Geen soldatesk klaroengeschal
Geen plechtige postume felicitaties
Zing liever 't hope een liedje, 't is al
Zing liever 't hope een liedje, 't is al

Am	G	C	E	(x2)

Geen tombe of bronzen gebeeldhouwd gevaarte
Geen donkere kelder van steen en lood
Leg mie liever in 't licht, in de klaarte
Simpel in d' aarde, warm en bloot
Begraaf mie maar ergens in 't veld verloren
Waar dat de beke heure weg nog vindt
Dar waar 't goudgeel vlas en 't koren
Tussen zunne en mane, in weer en wind
Tussen zunne en mane, in weer en wind

Am	G	C	E	(x2)
Am